نصوص

الشاعر علي ناصر يهدي قصيدة لغزة باللهجة المحكية اللبنانية

فلسطين…

بقلم: علي ناصر/ شاعر لبناني 

دخلك يا غزة كيف أحوالِك

دمعات عيني دمّ كرمالِك

قومي معي يا زينة فلسطين

بركي الشعر بيصير يحلالِك

قومي معي يا حلوة الحلوين

غنّي لكلّ الكون موالِك

قومي معي يا زهرة النسرين

يا بنت روحي المجد ودالِك

عطر الكرامة مع شتا تشرين

ومغزال حتى تغزلي شالِك

وخيطان عزّ ملونة تلوين

بتشبه يا غزة وجوه أطفالك

أطفالك لّي صرلن من سنين

بيبنو عا كتف الشمس عرزالِك

أطفالك لّي اليوم جوعانين

صارو بوجه المعتدي رجالِك

لا الجوع وقفهن ولا السكين

عن صون عرضك متل أبطالِك

وفيكي يا غزة العزم ما بيلين

مازال صار الطهر شلالِك

بتبقي صبيّة بطلّة العشرين

وبيضل راسك للسما مرفوع

كلما يا غزة النصر غنّالك

زر الذهاب إلى الأعلى